fatakat عضو فعال
عدد المساهمات : 139 تاريخ التسجيل : 02/07/2009
| موضوع: وصفتين هايلين لكريم السعد وما أدراكي ما كريم السعد... الثلاثاء نوفمبر 30, 2010 1:27 am | |
| السلام عليكم ورحمة الله وبركاته بصوا بأه يا بنات بعد فحص ومحص وتمحيص وتدوير ويووووووووووه وجع دماغ عرفت ازاي اعمل كام وصفة لكريم السعد في البيت ومن عمايل ايديا والكل عارف طبعا ان نبات السعد له القدرة الهائلة على انه يقلل من نمو الشعر خاااااااااااالص يمكن نرتاح بأه . اول وصفة دي بتتدهن لمدة 5 ايام متتابعة بعد نزع الشعر بالسويت ولازم يكون بالسويت علشان الشعر يكون متشال من الجذور اديني قلت اهه المقادير 70 جم نبات السعد ( موجود عند اي عطار ) ممكن تجيبوه وتطحنوه في البيت او تجيبوه مطحون جاهز لو من عند عطار مضمون 1/2 كوب زيت زيتون علبة كريم مرطب ( من اي كريم انتي بتحبيه ) الطريقة نجيب نبات السعد ونحطه على كوب زيت الزيتون ونغطيه ونسيبه يتنقع لمدة يومين او بطريقة اسهل نغليه مع نص كوب زيت الزيتون لمدة نص ساعة على نار هادية جداااااااااااااا مع التقليب المستمر وناخد الخلاصة بعد النص ساعة دي ونخلطهم على علبة كريم اي كريم بنرتاح له وانا بفضل كريم جليسوليد الاحمر بس وتمام كده ندهن بيه زي ما قلت لمدة 5 ايام متتالية بعد نزع الشعر بالسويت واتفرجي عالقشطة يا قشطة الوصفة الثانية ( للي مستعجلة ومبتصبرش ومعندهاش وقت زيي كده ) الوصفة دي بتتدهن لمدة يومين بس بعد عملية نزع الشعر بالسويت المقادير 70 جم نبات السعد مطحون شبة مطحونة صبرة مطحونة مستكة علبة كريم مرطب من اي نوع تحبيه الطريقة يغلى الجميع مع لتر ماء على نار هادئة الى ان يتبخر واللي هيفضل هيبقى حاجه شبه العجينة نسيبها تبرد خالص وبعد كده برده تتخلط على علبة الكريم المفضلة وندهن منها لمدة يومين متتالين بعد عملية نزع الشعر بالسويت . وبس كده يا قمرات انا خلصت ومستنية دعواتكم
google_protectAndRun("ads_core.google_render_ad", google_handleError, google_render_ad); | |
|