كل مرة بسأل نفسى أنا مين؟ أنا مصرى ولا فرعونى ولا قبطى
أنا مسيحى مستشرق أم مسلم مستغرب
أنا عربى ولا أفريقى
يا ترى أنا مهندس فى قلبه فنان
ولا فنان بيستخدم ورق الرسم الهندسى
أنا مين؟
أنا طيب ولا مستطيب
يعنى عبيط ولا بستعبط
فاهم ولا مش فاهمش
ولما بلاقى الرد بستغرب...
معقولة ده إنت!!!
معقولة تكون ديب ونعجة فى نفس الوقت
معقولة تحب وتكره فى نفس اللحظة لنفس الشخص
وأرد على نفسى وأقول كان نفسى أكون حد تانى
كان نفسى أكون الشخص اللى بشوفه فى المراية
حد تانى بيعيش بمجانية
مجانية الحب والصداقة
مجانية التضحية والإخلاص
وبعدين بتبرر إيه؟!!
عايز إيه؟!!