hessin abo ahmed
عضو ذهبى
عدد المساهمات : 1135
تاريخ التسجيل : 11/02/2010
الموقع : www.myegy2day.ahlamontada.com
 |  موضوع: الجزء الثاني عن الكيراتين وانواعه بالصور ومعلومات وصور جديده الجزء الثاني عن الكيراتين وانواعه بالصور ومعلومات وصور جديده  الإثنين مارس 07, 2011 8:07 pm | |
| السلام عليكم ورحمه الله وبركاته بعد نجاح الجزء الاول للموضوع الحمد للهواكتمال عدد صفحاتههبدء معاكم بالجزء التاني للموضوعوده لينك الجزء الاولاول موضوع شامل عن الكيرايتن وانواعه بالصور واستفتاء لكل الي جربه[ندعوك للتسجيل في المنتدى أو التعريف بنفسك لمعاينة هذا الرابط] كنت عاوزه اقول حاجه بس زعلتنيانا كنت قايله فالجزء الاول مش مسامحه اي حد هينقل الموضوعوبالفعل اتنقل في منتديات اخري وشوفته بعينيواخدت لينك الموضوع بتاعي هنا في فتكاتواديته لمشرفين المنتديات الاخريوحقي رجعلي الحمد لله والمشرفين قفلو الموضوعوطلبو مني انقله بنفسيبس اللي مزعلني ومستغربه في نفس الوقتللدرجادي كلمه مش مسامحه دي عاديه اوي كده ؟ليا طلبين قبل ما ابدء الموضوعالطلب الاول:مش مسامحه اي حد هينقل الموضوع وهاخد حقي منه يوم الموقف العظيماظن ده تعبي ومجهودي وتنسيق صور وكتابه وترتيب وبحث ومعلومات وكل واحد له الحق في حفظ حقه ومجهودهتاني طلب:ارجو التقييم انا مش ببخل علي اي حد بالرد علي سؤال او استفسار مظنش التقييم هيكون صعب يلانبدءبسم الله الرحمن الرحيم اول حاجه علشان الموضوع يكون جديد والاسئله متتكررش عاوزه ابدء
باكتر اسئله استمرت في الموضوع السابق سواء عالخاص او عالعام هجاوب عليها تاني علشان اهم اسئله
وعلشان متتكررش تاني فالموضوع الجديد
يلا بينا
1_عملت شعري فرد ووقع واتساقط وجاف وقصيت نصه اعمل ايه؟
هقولك ان جسمك كله نعمه وهبه من عند الله عز وجل
لازم تحافظي عليها
وخصوصا الشعر وهو تاج جمال للمرأه
وكمان البشره طبعا
وهقول مثال بسيط يوضح
لما تشتري 10 علب مكياج رخيصه وتفرحي ان عندك مكياج كتير
ومع الوقت تلاقي الوش بيقشر بيسمر جاف حبوب ثقوب فالوجه تجاعيد
كل ده مش من فراغ من الادوات اللي استخدمتيها اللي محافظتش علي نضاره بشرتك
وتبتدي تروحي مراكز التجميل وتعملي تقشير كيمائي للوجه علشان يرجع تاني نضر
وتنضيف وكريمات ترطيب وعنايه
وتصرفي وتصرفي وهكذا
طيب ليه كل ده
من الاول متجيبي حاجه واحده غاليه ارحم من 10 وترجعي تعالجي وتدفعي ضعف الغالي اللي كنتي هتشتريه
بالضبط زي الشعر
الناس اللي بتقول عالفرد سواء الكوافير اللي اقنعك بيه او سمعتي عنه بدل عمل في شعرك كده وحتي لو غالي مش رخيص
وعمل كده فيكي يبقي ده بيحتوي علي مواد كيماويه هي اللي عملت فشعرك كده ودمرت الشعرايه نفسها
وقضت علي حيويتها ولمعانها وقوتها
يبقي من الاول اعملي الشيئ الصح المظبوط لشعرك حتي لو غالي شويه بس نتايجه مضمونه وسليمه واتمتعي بشعرك
متبخليش علي شعرك علشان ميبخلش عليكي باللمعان والنضاره والنعومه
2_سمعت ان الكيراتين مضر ؟
نرجع ونقول الحكايه من الاول تاني
الكيراتين اول ظهور له كان في البرازيل اشترته سيده
وعملته لنفسها فالبيت وبكرر لنفسهاااا
اصيبت بنوبه ثم توفت
قامو بتحليل محتويات المنتج
وجدو الاتي
المنتج مصنع بنسبه تعادل 10 اضعاف النسبه المصرح بيها صحيا من الفورمالين وغيره من المواد
تاني حاجه ان مينفعش حد يعمله لنفسه مش فاهم
ومع وجود النسب دي ومفيش تهويه وعدم خبره
ماهي لازم تموت
ثم منع بيعه ووقف تصنيعه
ثم بدء تصنيعه مره اخري علي يد شركات كبيره متمكنه وعلي اسس وقواعد وشروط ايه هي وايه الي حصل ؟
هي شركه جلوبل قامت بتصنيع المنتج بنسب معينه مصرح بيها وهي 2 و4%
تاني حاجه منعه بيعه او تصديره لاي دوله الا اذاوركزو
الا اذا بتصريح ان عندك صالون او مركز تجميل
لان طبعا الكوافير صاحب المركز فاهم بيعمل ايه وبيشتغل ازاي
والا اذا للتجاااار
وطبعا بيشترط
[size=25]علي التجار بيعه للكوافيرات فقط
ده لو التاجر عنده ضمير
لاكن لو معندوش بيكون عاوز يكسب وخلاص يبيع العبوه لاي واحده ويسيبك تليسي مع نفسك
من غير ما يرشدك علي كوافير فاهم يعمله ليكي
نرجع لموضوعنا
ان شركه جلوبل فقط هي اللي محدده الاسس والقواعد دي وموضحه ده
اي شركه تانيه انتي متعرفيش محتوي منتجها ايه ؟
حتي لو اغلي واغلي برضو متعرفيش بيحتوي عليه ايه
وغير الشغل اللبناني طبعا وغيره من شركات التقليد الي بتحط فالكيراتين مواد تنعيم اقمشه ومفروشات ومواد كيماويه 3_الكيراتين بيستمر فشعري اد ايه؟السؤال ده كان اكتر سؤال
الكيراتين بيستمر علي شعرك حسب حفاظك عليهبمعنيالشامبو والبلسم الخاص بالكيراتينوهما مصنعين خصيصا للعنايه بالشعر بعد الكيراتينلانهم بيحتوي علي كيراتين وخاليين من الصوديوم والسلفاتاللي بيدمرو الشعر وكمان متصبغيش شعرك كتير بعده اكتفي بلون حلو قبله لان كتر الصبغات بتاثر علي غلاف الكيراتين للشعرايه لان الصبغه بتحتوي علي امونيا واكسجين وكل ده بياثر عالشعر فمابالك بالغلاف ارجع واقول تاني في ناس بيستمر معاها 6 شهور في ناس سنه في ناس اقل كل واحد وحسب طريقه حفاظه عليه الكيراتين بيفضل فالشعر بس الجذور الجديده هي اللي بتخليكي تجدديوناس بتقول لا شعري الباقي مفرود وناعم الجدور مش مهمكل واحد ورأيه
4_يعني ايه شامبو الكلارفينج اللي قبل الكيراتين؟
الشامبو ده مخصص للشعر قبل استعمال الكيراتين
ليه ؟
بينضف الشعر من الدهون والوبر والقشر اللي فالشعر
وبيهيئ الشعر لاستقبال الكيراتين
ولا بديل له قبل الكيراتين
5_سمعت ان في كيراتين بيعد مدي الحياه؟
انا مش هرد انا هقولك اسئلي عقلك
مش اي حاجه نسمعها نصدقها ياريت اللي يقول كده يقنعنا ازاي مدي الحياه ؟
مدي الحياه يعني لما يعمل الكيراتين ده الجدور الجديده اللي هتطلع هتروح فين ؟
ولا نموها هيتوقف علشان الشعر يفضل مفرود مدي الحياه ؟
ومدي الحياه ده يعني بيتحكم فالشعرايه خارجيا بوضع الكيراتين وبيتحكم فالهرمونات الداخليه كمان اللي بتخلي الشعر بطبيعته ناعم طول العمر
استغفر الله العظيم
اه ممكن شعرك يكون بالوضع ده بس مش بالكيراتين
من عند الله عز وجل
حد تاني يفتي ياريت يقنعنا ازاي ويكون جاهز عالاجابه كمان ادام ربنا يوم القيامه
6_شامبو جونسون بتاع الاطفال استعمله احمي بيه شعري ؟
ولا تحمي بيه شعرك ولا طفلك
ابسط حاجه روحي الصيدليه بلاش تشتري وتكلفي نفسك علشان تشوفي
لا روحي واطلبي العلبه واقري مكتوب عليها ايه
اولا صوديوم
ثانيا سلفات لوريث صوديوم
المادتين اخطر من بعض عالشعر
وتاني ماده دي ماده تنظيف جراجات
كل مهمتها الرغوه الزياده
وبتجيب امراض
واعملي سيرش علي الماده دي بنفسك واعرفي خطورتها
7_هل الجذور بس اللي بتحتاج تجدد لما اعمل كيراتين ولا الشعر كله ؟
وهل التكلفه بتكون نفس تكلفه اول مره ؟
هقولك ببساطه لما تعملي شعرك صبغه
بيكون اللون واضح وجميل وساطع وبيلمع
لما الجذور تطلع
وتروحي تعيدي عليها لوحدها
بيكون الجذور واضحه ولامعه وباقي الشعر مطفي من اللون السابق
لاكن لو عدتي علي شعرك كله بيكون لامع واللون واضح والشعر كله واخد ميه واحده او لون واحد
نفس الشيئ بل الكيراتين كمان انتي بتدي نفسك غذا للشعر مره تانيه ببروتين الكيراتين نفسه
طيب والتكلفه بتزيد ؟
لو الكوافيره بنت حلال وفاهمه شغلها
هتكون عارفه انها اهتحط كميه الكيراتين عالاجزاء الجديده فالجذور اما باقي الشعر ياخد كيراتين علي خفيف خالص لان بالفعل متشبع بيه قبل كده
فالبتالي هتستهلك كميه اقل من الكميه اللي استهلكت ليكي اول مره
وبالتالي السعر يكون اقل
8_هل الكيراتين هيطول شعري ويمنع التساقط؟
الكيراتين هو موجود في جسم كل انسان ومش الشعر بس لا الاظافر والبشره والجسم
بيعطي لمعان ونضاره
وهو هيقوم بنضاره ولمعان شعرك
هيكون عندك شعر ناعم طري لامع حافظي بئه عليه
التساقط والتطويل قبل ماتسئلي عليهم اسئلي نفسك الاول
بتاكلي طبق سلطه كل يوم؟
بتاكلي فواكه؟
بتاكلي منتجات البان؟
خضرات؟
الحديد والكالسيوم كويس في جسمك ؟
بتعملي مساج لفروه الراس علشان تنشطي الدوره الدمويه للشعرايه وتساعديها عالنمو ؟
بتستعملي بلسم وشامبو مناسب لشعرك ؟
لو انتي محافظتش علي كل ده مفيش حاجه سحر هتقدر تقوم بيه لوحدها
9_عملت شعري كيراتين ووقع وباظ ومستمرش شهر في شعري؟
اعرفي انك وقعتي في فخ نصب ومكنش كيراتين اصلا
او كان كيراتين مغشوش او متخلط او لبناني او نوع مجهول الهويه
تاني حاجه هي الناس الي بتدفع بالاف عند الكوافير وبتعتمد علي شهرته واسمه
طيب متاخدي حقك في انك تشوفي المنتج قبل ما يبدء يعمل بيه
الكوافير بيجيب الطبق جاهز ويبتدي يوزع علي شعرك
وانتي ولا فاهمه هو بيحط ايه اصلا وبعدين ترجعي تندمي
وفالاول والاخر بقول ان اللي بيغش ربنا الخالق الرزاق شاهد ومطلع عليه
وقادر يقطع رزقه ولا يبارك له في قرش
[/size] | |
|
